رد على قصيدة الوفاء

عضو عدد المساهمات : 5 تاريخ التسجيل : 10/10/2011

ما ترجع الـدنيا ولا ذيك الأزمان *** وقتٍ مضى بالعـمر محدٍ يرده

شفت بحياتي ناس من كل الألوان*** ودك تفـارق ذاك وهـذا توده

عـز الذي تلـقاه في قدر الأخوان *** يا قل ما تلقى خوي عند شده

نـاس تـناسـونا من غيـر نسـيان *** ونـاس تذكـرنا مـن بعـد مـده

جرحٍ نشف والتم من بعد دمـيان ***وجرحٍ نزيفه سيل من هو يسده

فعل الردي دايـم يحتاج برهـان *** كله هياط وفخـر بأهـلـه وجـده

ما تـعـرف الأنـذال إلا بمـيزان ***وقت الشدايد حين تلقى المصدّه

أما الوفي الحر في كل الأحيان *** سيف على يمناك والموت حده

افتـح له الصدر من دون بيبـان *** واطرح له بقلبي فرش ومخده

وأنت الذي دايم للوصل عنوان ***طبع الوفي راسخ ما ينقلب ضده

» اجمل قصيدة عن الوفاء
» قصيدة المستحــــيل
» قصيدة حزينة
» قصيدة صوت صفير البلبل
» قصيدة جميلة جداً