ايام زمان احلى

(( الشهادة والتعليم ))

زمان ... كانت الشهادة تنفع وتخليك مدير ..



هالوقت ... الشهادة الجامعية لوحده ما بتكفي ولاّاا تصير زي واحد معه محو أمية ,,,




(( الزواج ))

زمان .. كانت أمور الزواج ميسرة وقليلة العنوسه ...



هالوقت ... العنوسة تزيد كل سنه والزواج تكاليفه تهد الحيل ,,,






(( الأغاني ))

أغاني زمان كلها شعر وكلماتها تدخل القلب والعقل ... وما تنتهي صلاحيتها ...

أما

أغاني هالوقت سواليف وحكي كتير ... قلي وقلت اله ,,, وتعال لما أقولك وش فيك علينا زعلان ....!!!

ولاّااا برتقاله عذبتي حاله ويا الرمانه ويالتفاحه و و و >> فواكه

وبعدين يالكوسه ويالبيذجانه >>> للي منقهر من حرمته ...

وانا دانة انا دن دن فتح عينك تاكل ملبن >> لا والمصيبة منكيف عليها


وليك الواوا بوس الواوا خلي الواوا يصح <<< بس بدنا اي شي نرقص عليه


(( الفيديو كليب ))

زمان .. الفيديو كليب يقف الفنان ويغني لحد ما تحفظ أشباهه وما تجيك الا لقطات بسيطه عن عيون امرأه أو وجهها من بعيد ...



هالوقت .. الفيديو كليب بتحوّل عيونك من كثر لقطات هالبنات اللي ترقص على الدقه وما بتعرف مين هو الي عم بيغني







((( المسلسلات )) >>> التمثيليااااات

زمان ... تنتظر حلقة على أحر من الجمر ويضيق صدرك اذا جت الحلقة الأخيرة لأنه وراها هدف اجتماعي ...



هالوقت ... مسلسلاتنا من أول حلقه تقول يلا متى تخلص وتجي الحلقة الاخيرة >>> ما فيه وقت نتابع ..
ومسلسلات هالزمن اغلبها بيمطمطوا فيهم <<< بالعافية وبالموت بدهم يوصلوها لتلاتين حلقه



(( الحب ))

حب أيام زمان آخره زواج ويكون صادق من القلب فيه تضحية واخلاص . .



هالوقت .. فيه حب بس نادر ما تلقاه صادق ...

الأكثريه بيحبوا بس بيمشوا على مقولة

* اشحن سوا ..... نطلع سوا .....*






(( الجيران ))

زمان .. الجار للجار حتى بيروحوا معك للمناسبات ويشاركونك أفراحك وأحزانك ... وتحس اللي جنبك أهلك مو جارك ...



هالوقت .. الجار ما بيعرف عن التاني

و اذا رن عليك حدا قلت شو بدو هاد ؟؟؟ >> والله جيران مزعجين ...

اكبر مثال ( قبل سنة انحرقت بيتنا ونصرررخ وجيرانا الباب الي قبالنا ماطلوا علينا ولا سمعوا حتى )




(( الأكل ))

زمان ... كان صنف واحد يشبعك وطعمه ما ينتسى ... حتى الخضرة كان لها فايدة ,,



هالوقت .. تحط بالسفرة أكثر من صنف ولا واحد يشبع بطنك

و نصف صندوق الخضرة تاكله والباقي بالزباله >>> ذبحنا هالكيماوي






(( الوصل والأقارب ))

زمان .. كان بالبيت فيه أكثر من 20 شخص الأم والأب وولادهم ونسوانهم واطفالهم>>> وعايشين مرتاحين ..



هالوقت .. كل واحد بدو غرفة لحاله ,,, واذا تزوج وطلع ...

ما يزور أهله الا بالمناسبات على حسب أشغاله ...





((( العيد )))

زمان ... العيد يفرح فيه الكبير والصغير ويومه ما ينتسى ...



هالوقت .. العيد ما يفرح فيه الا قلة من الأطفال وصار للكبار يوم عادي فيه تسليم وتأدية واجب عائلي ...



* * * * * * * * * * * * * * * * * * * *

هذا بعض من مقتطفات الحياة المختلفه ولكن لو خيّرت العيش بأيام زمان أو هالوقت الحالي ؟؟ ماذا تختار !!!؟؟؟

أنا ما عشت فيها بس ياريت ناخذ منها ونضيفها على أيامنا يمكن حالنا يتحسن

وعلى قولة أهل الشام

رزق الله على أيام زمان



واهم شي

ايام زمان كانو العرب متوحدين وكلهم مع بعض مو متل هللا بيكون في حرب بالبلد الي جنبنا واحنا مو عارفين كل واحد ماشي على مقولة
اللهم نفسي