لاتناظرني بعين مشتاقة ترى نظراتك تتعبني
لاتحاول تستضعف قلبي بنظرات ملهوفة تذوبني
انسى ذكرياتنا ولا عاد بها تذكرني
لا ترسل مراسيل تسالني ليه علي تغيرتي؟
انا طبعي الوفا والخيانه ماهي من طبعي
انا ماعدت حبيبتك انا صرت منك متبري
هذا طبعي وهذي شيمتي وعوايد هلي
ماعاد يفيد كان وكنا وياليت صار وليش ماصرنا
هذا النصيب ولو كان النصيب ماهو مصيب احنا به آمنا
هذا القدر وان كان مو عاجبنا مابيدنا غير نرضى ونرضخ ونقول سلمنا
يمكن يوم من الايام يجمعنا ويكون النصيب راضي عنا
تلتقي نظراتنا بلا خوف ولا نظرات خاينة نسرقها
وقتها تتسابق كفوفي ودقات قلبي من فيهم يحضنك قبلها